TAXEOTAE

TAXEOTAE

Graece Ταξιῶται, in Gloss. Graeco-Latin. Ταξεωταί, apud Palladium, in Hist. Lausiaca, c. 63. 67. apparitores Principum sunt Magistratuumve. Car. du Fresne Glossar. At Taxiarchi, apud Io. Diaconum in Vita Gregorii Pontific. Ille Taxiarchis vocatis, ait: Nimia mihi videntur gravia Imperatoris praecepta: sunt ordinum militarium praefecti, Graece Ταξίαρχοι, Ordinari Latinis, de quibus ad Bonosum Vopisci, c. 14. pluscula habet Salmas. Vide quoque supra, ubi de Evocatis, namque et sic Graecam vocem Glossae interpretantur, item in voce Ordinarius.